LA UNION – Isagsaganan iti pulisya ti kaso kontra iti respondent driver a naglibas kalpasan a nakadungpar daytoy iti tao idiay ili ti Bauang, La Union.
Nabigbig ti respondent driver a ni Nelson Rimas, residente iti Barangay Poro, syudad ti San Fernando, La Union.
Naammuan ti Bombo Radyo manipud iti Bauang Police Station, a ni Rimas ti maipagarup a masuspetsa a nakadungpar iti biktima a ni Rommy San Jose a residente iti Barangay Pudoc ti nasao nga ili.
Maipalagip a nadungpar ti biktima kabayatan a bumalballasiw daytoy ti kalsada kasaruno iti panaglibas ti driver a nagmanehon iti maysa a closed van idi November 1. (Absalom Flores)
