LA UNION – Dagus nga imbilin ni S/Supt. Genaro Sapiera, provincial director ti La Union Police Provincial Office (LUPPO) nga ikkaten dagiti drop ball stands iti maysa a peryahan a masarakan nga asideg iti police station idiay ili ti Bagulin, La Union.
Daytoy ket kalpasan nga impakaammo ti Bombo Radyo La Union kenni S/Supt. Sapiera ti reklamo iti sumagmamano a residente ti nasao nga ili gapu ti nasao a pagsusugalan.
Sinabi ng opisyal a gapu ta panawen iti panagrambak dagiti piyesta ti naduma-duma a lugar ken palpalubusan iti lokal a gobyerno ti paay-ayam wenno peryaan.
Ngem impaganetget ni S/Supt. Sapiera a mailabsing iti linteg ti drop ball wenNo color games gapu ta daytoy ket maysa a kita iti sugal.
Sigun iti provincial director ti LUPPO, kasarita ken bilinenna iti hepe ti Bagulin Police Station tapno ikkaten dagiti drop ball stands iti nasao a peryaan.
“Alam ninyo kasi ang drop ball o tinatawag na color games ay talagang labag sa batas ‘yan. At ‘pag talagang may ganyan po sa Bagulin ay uutusan ko po ang hepe doon na ipatigil ‘yon,” kinuna ni S/Supt. Sapiera.
Immuna iti daytoy, personal pay a nagkamang iti istasyon ti Bombo Radyo dagiti sumagmamano a residente ti nadakamat nga ili tapno ipulong iti maipagarup a sidadata a panagpasugal iti peryaan nga asideg iti Bagulin Police Station ken arigna nga agbaybay-a dagiti pulis sadiay gapu ta adu dagiti ubbing nga agtaytaya.
Malaksid pay ditoy dagiti ipulpulong ken video iti agsusugal ti peryaan a naawat babaen ti messenger wenno Facebook page ti Bombo Radyo manipud met laeng kadagiti agindeg idiay ili ti Bagulin. (Absalom Flores)
