LA UNION – Isagsaganan ti pulisya ti kaso kontra ti maysa a babai gapu iti maipagarup a panagikot daytoy iti shabu idiay Purok 6, Barangay Sevilla, syudad ti San Fernando, La Union.
Nabigbig ti suspek a ni Vilma Ducusin, 47, residente ti nasao a lugar.
Babaen ti search warrant nga inyatnag ti korte ken isirbi dagiti kameng ti San Fernando City Police ken Philippine Drug Enforcement Agency ket inalikadda iti balay ti suspek.
Nakompiskar manipud iti uneg ti balay ni Ducusin iti lima a sachet a naglaon iti maatap a shabu ken drug parephernalia.
Kaso a panaglabsing iti Comprehensive on Dangerous Drugs Act of 2002 ti reklamo a maisampa laban ti nasao a maipagarup a drug personality.
