LA UNION – Isagsaganan ti pulisya ti agtutuon a kaso kontra iti maysa a drug personality a maipagarup nga agik-ikot iti shabu, paltog ken bala idiay Purok 7, Barangay Sevilla, syudad ti San Fernando, La Union.
Nabigbig ti suspek a ni Dino Flores, 31, residente ti nasao a lugar.
Babaen iti panangisirbi ti search warrant inruar iti pangukoman ket inalikad iti tauhan ti San Fernando City Police Office ken Philippine Drug Enforcement Agency (PDEA) Regional Office-1 ti pagtengan ti suspek kasaruno iti pannakadiskobre iti 12 sachets a naglaon iti shabu, drug paraphernalia, cal. 38 a paltog, cal .22 homemade rifle, dagiti bala, espada ken dadduma pay a kita iti piyesa para ti paltog.
Kaso a panaglabsing iti Comperhensive on Dangerous Drugs Act of 2002 ken illegal possession of firearms ang ammunitions ti reklamo a maidatag idiay korte konta ti nasao a drug personality. (Absalom Flores)
