Isagsaganan dagiti otoridad ti kaso a panaglabsing iti RA 9165 kontra ti maysa a drug personality a natiliw iti drug buy bust operation idiay Brgy Caoigue, Sto. Tomas, La Union.
Segun kenni PSI Juan JHAYAR MAGGAY, hepe ti Tubao Police Station, babaen iti koordinasyon dagitoyda iti PDEA ket nangiwayatda ti operasyon a nagresulta ti pannakaarestar ti suspek a managan Cipriano Nardo Jr., 27, residente ti Brgy San Vicente Sur, ti ili nga Agoo.
Nakumpiskar manipud iti suspect ti dua a sachet ti suspected shabu ken 500 peso bill a kas buy bust money.
Iti agdama, agtaltalinaed daytoy iti pagbaludan para iti naan-anay a disposisyon.
