LA UNION -Isagsganan ti Philippine Drug Enforcement Agency (PDEA) Regional Office-1 ti kaso a panaglabsing iti Comprehensive Dangerous Drugs Act kontra iti maysa a drug personality a natiliw idiay Barangay Ortiz, ili ti Naguilian, La Union.
Nabigbig ti suspek a ni Walter Florendo, 41-anyos, residente ti nasao a lugar.
Naammuan ti Bombo Radyo manipud iti PDEA, babaen iti bileg ti search warrant nga inruar ti korte, inalikad dagiti ahente iti balay ti suspek kasaruno iti pannakadiskobre kadagiti uppat a sachet a naglaon iti maatap a shabu a saan pay a naammuan iti timbang ken balorna.
Ni Florendo ket maipagarup a rummuar-ummuneg iti pagbaludan ken uppat a darasen a naaresto daytoy gapu iti kapada met laeng a kaso. (Absalom Flores)
