LA UNION – Isagsaganan ti pulisya iti kaso kontra ti maysa a surrendered drug personality gapu iti maipagarup a panaglako daytoy iti shabu idiay Barangay Madayegdeg, syudad ti San Fernando, La Union.
Nabigbig ti suspek a ni Rommel Mabini, 40-anyos, residente iti Barangay San Francisco iti nasao a syudad.
Naaresto ti suspek babaen iti buy bust opertion nga inganwat dagiti operatiba manipud ti San Fernando City Police Office ken Philippine Drug Enforcement Agency.
Nakompiskar manipud ti nasao a drug peronality ti dua a sachet a naglaon iti maatap a shabu a saan pay a naamuan iti timbang ken balor daytoy.
Kaso a panaglabsing iti Comprehensive on Dangerous Drugs Act of 2002 ti maisampa a reklamo kontra ti nasao a suspek.
