Adda itan ti alert status ti Department of Social Welfare and Development (DSWD) kas panagsagana para iti Bagyong Kristine.
Imbilin ni DSWD Secretary Rex Gatchalian ti panagalerto ti Disaster Response Management Group (DRMG), kasta met ti kinasagana a mangiwaras iti tulong kadagiti amin a lokal a gobierno a manamnama a maapektaran iti bagyo.
Segun kenni Gatchalian, masapul a masigurado nga ‘in full strength’ ti nakaimbak a taraon.
Mainaig iti daytoy ket kinuna pay ti sekretario iti National Resource Operations Center (NROC) a double time dan iti panagempake kadagiti food packs.
