LA UNION – Adda pay umdas a buffer stock ti NFA para iti relief assistance ti Department of Social Welfare and Development (DSWD) Reg’l. Office One.
Daytoy ti siniguro iti Bombo Radyo La Union ni Irene Cubangbang, Regional Information Officer ti DSWD RO1.
Kinuna na a base iti datus ti ahensiya, umdas ti stockpile dagiti goods iti naduma-duma a satellite warehouses iti intero a rehiyon uno.
Naamwan kenni Cubangbang nga umabot ti 30,000 family food packs iti minimum requirement ti ahensiya iti maysa a regional warehouse tapno masungbatan iti pagkasapolan dagiti lokal a gobyerno.
Iti tunggal family food pack ket buklen ti 6 a kilo ti NFA rice, canned goods, kape ken asukar a maited kas tulong kadagiti biktima ti didigra.
Tarigagay ti DSWD a masolusyunan a dagus ti problema iti NFA maipapan iti maipagarop a panagkur-kurang iti supply ti NFA rice ditoy pagilian.
Nupay adda madada-an kunana a relief goods ti ahensiya para kadagiti biktima ti kalamidad, posible a tumpuar latta iti problema nangruna ket saan met nga ammo nu manu iti agkasapolan ken kaatnu a kasapolan dagiti relief goods.
