LA UNION – Nagbalakad iti Department of Trade and Industry – La Union Provincial Office kadagiti agtutubo nga agannad iti digital marketing wenno online marketing, nangruna ita a rampant iti mapas-pasamak nga scam wenno panangloko iti publiko tapno laeng makaala ti kuwarta dagiti suspek manipud iti biktima dagitoy.
Kinuna iti Bombo Radyo La Union ni Consumer Protection Division Chief Joyce Cabreros ti Department of Trade and Industry (DTI) – La Union, nangisayangkat da iti Seminar on Consumer Education and Empowerment idiay La Union National High School, ditoy syudad ti San Fernando City, La Union.
Inatendaran daytoy dagiti mangbukbukel ti La Union National High School Consumer Club wenno estudyante iti senior high school.
Ranta ti nasao a seminar, a maiyadal kadagiti agtutubo iti consumer awareness iti digital age, nangruna iti panagaramat ti internet wenno social media iti panaggatang dagiti naduma-duma a kasapolan a produkto.
