Imbutaktak ni Senador Panfilo Lacson nga adda ti dua nga opisyal ti Department of Public Works and Highways idiay Bulacan iti nangpaabak ti 300 million pesos tunggal maysa iti casino.
Segun iti Senador, iti maysa ket district engineer bayat nga iti maysa ket nababbaba ti akemna iti ahensiya, ngem agpada da a Salary Grade 19.
Impaganetget na nga adda iti maipatpatungpal a memorandum circular sipud idi 2016 a nainget a mangiparparit kadagiti opisyal ti gobierno nga agsugal iti casino.
Kabayatanna, naidanon dan kenni DPWH Secretary Vince Dizon iti nasao nga impormasyon.
Immunan a naibutaktak iti Senate Blue Ribbon Committee iti panagaklon ni sigud a Bulacan 1st district engineer Henry Alcantara nga agay-ayam daytoy ti casino ken kadua iti sigud nga assistant district a ni Brice Hernandez.
