BR LA UNION – Ipapa-ikkat iti pwesto ni Philippine National Police (PNP) Chief PGen. Rommel Francisco Marbil dagiti dua a pulis a nakita iti viral video ti mapapati a panangdangran ni Davao City 1st District Rep. Paolo ‘Pulong’ Duterte.
Segun iti PNP Chief, uppat a uniformed personnel ti karaman iti insidente. Dua manipud PNP ken dua manipud Armed Forces of the Philippines (AFP).
Dagiti karaman a pulis ket saan nga otorisado ken nangisayangkat ti ‘moonlighting’.
Inlawlawag ni Marbil, nag-surrender iti service firearms ken identification cards dagiti dua a pulis, ngem naamwan nga AWOL dagitoy.
Kabayatanna, impaganetget ni Marbil a dagiti karaman a pulis ket agsungbat agraman dagiti commanders dagitoy gaputi panangkonsintir ti aramid dagiti nasao a pulis.
Maipalagip a saan a daytoy ti umuna a gundaway a nangsitak iti serbisyo ti PNP gaputi panangipatungpal ti nainget a panangdisiplina kontra kadagiti agar-aramid ti ‘moonlighting’.
Immuna a naikkat iti serbisyo dagiti 11 a miyembro ti Special Action Force (SAF) agraman dagiti command officers.
Siniguro ni Marbil a saan a kunsintiren ti PNP dagiti nasao a klase ti aramid gaputa panaglabsing daytoy iti mandato da kas pulis.
