Naan-anayen a nasebseban ti dua nga dadakkel a wildfires sadiay Los Angeles, California USA kalpasan ti aganay tallo a lawas manipud idi napartuat daitoy.
Segun kadagiti fire officials idi Biernes, oras idiay America, ti Eaton fire ket nagpadapo iti nasurok a 14,000 nga ektaria wenno 57 square km iti daya a paset ti LA.
Pinasingkedan met ti California Department of Forestry and Fire Protection a ti dadakkel nga Palisades fire ket nakabusbos iti 23,448 nga ektaria wenno katupag ti 95 square km iti makindaya a paset ti LA.
Dagiti dua a kangrunaan nga uram agraman ti sumagmamano a babassit nga wildfires ket maibilang a “worst natural disaster” iti pakasaritaan a nangala ti 28 a biag ken nangperdi ti nasurok 16,000 nga istruktura, segun iti departamento ti California Fire department bayat a 180,000 nga umili ti napilitan nga agbakwit.
Pattapattaen met ti Private forecaster a AccuWeather a ti posible a kaadu ti pannakadadael ken pannakapukaw ti ekonomia ket dumanon iti nasurok a $250 bilion gapu kadagiti nasaknap nga uram iti kabakiran.
Ibilang met dagiti firefighters ti 100% containment kadagiti kasta nga uram iti kabakiran a simboliko bayat nga agtalinaed nga isolated dagiti nabati pay nga uram kadagiti narangkis a kabantayan.
