BR LA UNION – Dua nga US Navy Aircraft ti nag-crash iti nagsina nga insidente idiay South China Sea idi kalman, Domingo, Oktubre 26, 2025.
Iti MH-60R Sea Hawk helicopter a naggapo iti USS Nimitz aircraft carrier, ket madama ti isay-sayangkat na a routine operations idiay South China idi nagsuwek daytoy.
Napalabas ti maysa ket kagudwa nga oras, nagsuwek met iti kabaybayan iti Boeing F/A-18F Super Hornet fighter jet a naggapo met laeng iti USS Nimitz.
Segun iti U.S. Pacific Fleet officials, amin dagiti lima a crew members agraman ti dua a piloto iti agpada nga aircraft ket narekobre a natalged babaen iti search-and-rescue teams.
Awan ti natay ken awan ti nakaru a nasugatan iti insidente. Dagiti lima a crew members ket adda dan iti natalged a kondisyon.
Iti agdama, duk-duktalen dagiti otoridad ti eksakto a makagapo ti panagdinnungpar ti dua nga eroplano, ngem maikon-konsidera iti mechanical failure, environmental conditions, ken dadduma pay nga operational factors.
