LA UNION – Adda itan ti nasayaat a kasasaad dagiti dua nga Australiano kalpasan nga insalakan isuda dagiti mangngalap idiay kabaybayan ti Surigao del Sur.
Naammuan ti Bombo Radyo iti attending nurse ti Adela Serraty Memorial Medical Center a nakabase iti nasao a probinsya, inturong dagiti mangngalap idiay ospital dagiti dua a ganganaet ken maysa ditoy ni Lionel Peter Ansselin a madama nga agindeg idiay ili ti Bauang, La Union.
Nagpanawagan babaen ti Bombo Radyo ti saanen a nainaganan a nurse iti asawa ti ganganaet a ni Gemma Menamkat-Ansselin nga adda iti ospital dagitoy ken agpapaimbag.
Impadamag met ti nurse a natay ti pannakalmes ti maysa pay a kaddua ni Peter, kabayatan a ti maysa a pada nga nga Australiyano iti agpapaimbag idiay ospital.
Agawid koman dagiti nasao a ganganaet babaen ti yate idiay probinysa ti La Union idi a maabutan isuda ti iadadalapos ti bagyo Urduja idiay baybay.
Kabayatanna, nakikoordinar metten iti estasyon ni Misis Ansselin kalpasan a maammuanna manipud kadagiti kaarrubana nga agdengdengngeg ti Bombo Radyo a sibibiag ti asawana.
