LA UNION – Agtultuloy iti imbestigasyon ti pulisya maipapan ti napasamak a panagtakawan kadagiti produkto iti ukay-ukay store idiay Barangay Parian, syudad ti San Fernando, La Union.
Iti eklusibo a pannakiuman ti Bombo Radyo ti makikukua iti nasao a pagtagilakuan a ni Susima Antonio, kinunana a nadiskobre iti misterna a ni Jumabuno a mapukpukaw iti adu a tagilako dagitoy nga agbalor ti P30,000.
Maipagarup a dinadael ti agtatakaw iti ruangan ti pagtagilakuan a nagpaay a dalan tapno maala dagiti naduma-duma a kita iti produkto.
Sigun kenni C/Ins. Silverio Ordinado, spokesperson ti La Union Police Provincial Office, agsapul da iti ebidensya a mabalin a mangipaay iti lead para ti pakabigbigan ti suspek.
Binalakadan met ti opisyal iti makikukua ti pagtagilakuan a makikoordinar laeng daytoy iti pulisya para ti pannakarisot ti kaso. (Absalom Flores)
