BR LA UNION – Impadamag ni US Ambassador to Israel Mike Huckabee idi Lunes a nadadael iti paset ti pasdek ti US Embassy branch idiay Tel Aviv kalpasan a natamaan ti Iranian missile asideg ti lugar da, ngem impasiguradona nga awan ti nasugatan a personnel.
Maipalagip a napasamak iti panagatake kalpasan a binomba ti Israel dagiti military target iti uneg ti Iran, a nakatayan iti adu a nangangato nga opisyal ken siyentista, banag tapno bumales ti Iran iti nagsasaruno a missile strikes kadagiti nadumaduma a siyudad ti Israel, agraman ti Tel Aviv.
Temporaryo a naiserra ti US Embassy idiay Jerusalem, bayat a naka-alerto latta ken maipatpatungpal iti “shelter in place” para kadagiti empleyado.
Kabayatanna, kinuna ti maysa a nangato nga opisyal ti US a linapdan ni US President Donald Trump iti plano ti Israel a patayen ni Iranian Supreme Leader Ayatollah Ali Khamenei.
Madanagan dagiti eksperto a ti agdama a tension ket mabalin nga agtungpal iti nalawlawa a gubat idiay Middle East.
