LA UNION – Dead on arrival iti Ilocos Training and Regional Medical Center (ITRMC) ditoy syudad ti San Fernando iti maysa nga empleyado ti coal plant idiay Masinloc, Zambales, kalpasan a malmes iti kabaybayan partikular idiay parte na ti Barangay Pugo, Bauang, La Union.
Nabigbig daytoy iti nagan a Ramon Samson y Rivera, 33, addaan asawa, maysa a safety officer iti coal plant idiay Masinloc, Zambales ken residente ti San Pedro, Sta Ana, Pampanga.
Maibasar iti report, kadwa iti biktima dagiti gagayyem na a napan nagbi-beach iti nasao a lugar, ket idi timmapog ni Samson, maipagarop a ginuyod daytoy iti napigsa a dalluyon.
Naamwan a sakbay a napasamak iti pannakalmes iti biktima, maipagarop a nakainom daytoy ti nasanger.
Dagus da nga inarayat iti biktima ken inturong iti ospital ngem naideklara a dead-on-arrival babaen iti attending physician.
