Mamati ni Las Piñas City Representative Mark Anthony Santos nga iti pannakapasa ti Anti-Political Dynasty Bill ket maysa a napateg nga addang tapno maisubli iti panagtalek ti publiko iti Kongreso.
Inaramid ni Santos iti panawagan kagiddan ti agtultuloy a panagpigsa dagiti panawagan nga iparit iti political dynasty ditoy pagilian.
Agtalek iti mammanday-linteg nga ad-ado pay a kongresista iti mangsuporta iti singasing, kangrunaan ta nangipakita ti interes iti House leadership maipanggep iti nasao nga isyu.
Kas pammaneknek iti suporta ti Kamara, dinakamat ni Santos iti sigud nga impila ni House Speaker Faustino Dy III ken House Majority Leader Sandro Marcos a bukodda a bersion ti Anti-Political Dynasty Bill.
Idi Hulyo, kasaruno iti panaglukat ti 20th Congress, nangidatag ni Representative Santos ti kapada a singasing-linteg.
Mamati iti mammanday-linteg nga uray ni Presidente Ferdinand Marcos Jr. ket suportaran iti naan-anay a panangipasa ti proposed bill iti kabiitan a panawen.###
