LA UNION – Kinapasnek iti panagadal ken pananglaban ti amin a karit ti biag ti maysa nga estudyante, iti tulbek tapno agballaygi iti goal ken arapaap iti biag.
Daytoy iti kangrunaan a mensahe ni Engr. Mark Angel Paguel Permato, a nag-top 8 iti naisayangkat a Chemical Engineers Licensure Examination idi November 22-24, 2024 ket nairuar ti resulta online kalpasan ti dua nga aldaw wenno idi kalman, Nobyembre 26.
Segun kenni Permato, paid off amin a napasaranna a rigat ken pannubok iti panagadal nangruna iti napalabas a lima a bulan a panag-review daytoy.
Istorya ni Permato, nga idi panawen ti panag-review na ket dandani dua nga oras laeng ti pannaturog na, gaputi panangipasnek na nga ag-repaso ken pumasa iti nasao nga eksaminasyon.
Kalpasan ti eksaminasyon, saan latta a makatur-turog ti nasimbeng ken saan pay unay a makapang-pangan, gapu iti panang-panunot na iti agbalin a resulta ti eksaminasyon.
Inaklon ni Permato a ti kurso na a chemical engineering ket saanna a first choice, ngem ketdi civil engineering ti immuna a plano na nga alaen a kurso.
Ngem kellaat a nagbaliw idi addan iti senior high school agsipudta naaddaan ti interes kadagiti subjects ti chemical engineering.
Segun kenni Permato, nagbalin a dackel a karit para kenkuana idi timpuar ti pandemya agsipudta online class dagitoy iti uneg ti dua a tawen, manipud first ken second year iti kolehiyo agingga a nagbalin a face-to-face mode idi adda dan iti 3rd ken 4th year college.
Nupay kasta, ibilang na a dackel a tulong ken nakasurwanna ti self-discipline dagiti kapadasanna iti maudi a paset ti kolehiyo, nangruna iti panagturong da iti naduma-duma a lugar kas paset ti kurso dagitoy.
Ni Engr. Permato, 22-anyos, ket tubo ti Rosario, La Union ken nagturpos ti kurso a Chemical Engineering iti St. Louis University idiay siyudad ti Baguio.
Kadagiti 951 a nangala ti eksaminasyon, 688 kadagitoy ti pimmasa wenno 72.34% dagiti exams passer.
