LA UNION – Nan-anayen a nakarwar iti Philippine Area of Responsibility iti bagyo Helen.
Segun iti Philippine Atmospheric, Geophysical and Astronomical Services Administration’s (Pagasa) agarop alas-5:00 idi malem a rimuar iti PAR ti nasao a bagyo.
Kabayatanna, iti enhanced southwest monsoon wenno habagat ti mangpat-patudo iti nalawa a paset ti pagilian.
Makapadas ti panagnepnep wenno monsoon rains iti Zambales ken Bataan.
Makapadas met ti sagpaminsan a panagtudo iti Pangasinan, Tarlac, Pampanga, Occidental Mindoro, ken Northern Palawan.
Idinto nga idiay Metro Manila, Abra, Benguet, Nueva Ecija, Bulacan, Cavite, Batangas, Rizal, Oriental Mindoro, Romblon, Antique, Iloilo, nabatbati a paset ti Palawan, Ilocos Region, ken dadduma pay a paset ti Luzon ken Visayas ket makapadas ti mawaras-waras a panagtudo ken panaggattu-od gaputi southwest monsoon.
Imballaag ti PAGASA a posible iti panaglayos ken landslide kadagiti prone areas nu agtultuloy ti panagtudo.
