Nangisayangkat iti imbestigasyon ti Philippine Airforce mainaig iti pannakasadsad ti eroplano da idiay Basco Airport, probinsya ti Batanes idi kalman.
Segun iti Philippine Airforce, madama iti humanitarian assitance ken disaster relief mission ti C-295 aircraft para kadagiti naapektaran ti bagyo idi napasamak ti insidente agarop alas tres ti malem.
Makuna a naikkatan ti pilid ti eroplano nga naglaon kadagiti relief goods manipud iti Department of Social Welfare and Development.
Kabayatanna, natalged met iti pilito ken dagiti crew ti nadakamat nga aircraft.
Impasiguri ti PAF iti publiko nga iti laksid ti napasamak nga insidente, agtultuloy latta iti maisayangkat nga rescue and relief operations idiay Batanes ken dadduma pay a dinuprak dagiti napalabas a bagyo.
