BR LA UNION – Pinaglibakan ni sigud nga House Speaker Martin Romualdez a karaman kadagiti alegasyon ti iregularidad iti national budget para kadagiti flood control projects.
Impaganetget na a ti kinakusit ket mapas-pasamak iti implementasyon dagiti ahensya, saan ketdi nga iti panagputar ti linteg idiay Kongreso.
Segun kenni Romualdez, ti panangipasa ti national budget ket produkto ti atiddog a proseso manipud Ehekutibo, Kamara, ken Senado.
Impaganetget na nga awan pakainaigan dagiti mammanday linteg iti procurement, inspeksyon, ken aktuwal a panagipatakder dagiti imprastraktura.
Innayon pay ti sigud a lider ti Kamara a saan a nagbalin a paset ti bicameral conference committee wenno small committee a nangputar iti naudi a porma ti badyet.
Ipab-pabasol ni Romualdez kadagiti dua nga opisyal a maipagarop a direkta nga akin-iggem dagiti desisyon iti pondo.
Tapno paneknekan a saan nga isuna ti mastermind iti anomalya, kinarit ni Romualdez iti publiko a sukimaten dagiti proyekto iti bukod na a distrito idiay Tacloban.
Pinalubosan na dagiti a tao na nga iruar ti listaan ti amin a proyekto iti masakupan na para iti pampubliko a panagsukimat.
Inlawlawag na a ti pudno a command responsibility iti panangipatungpal dagiti proyekto ket adda iti sanga ti Ehekutibo, partikular iti Department of Public Works and Highways (DPWH), saan ketdi nga iti maysa a collegial legislative body kas ti Kamara ken Senado.
