Plano ni sigud a Senador Antonio Trillanes IV a pilaan ti ethics complaint ni Senador Ronald “Bato” Dela Rosa no saan daytoy nga agpakita.
Nasurok dua a bulanen iti napalabas sipud idi naglemmeng iti senador kasaruno ti report nga addaan isuna ti arrest warrant manipud ti International Criminal Court gapu ti nagbalin nga akem na iti war on drugs ti Duterte administration.
Kenuna ni Senate President Vicente Sotto III, nawaya iti siasinoman a concerned citizen a mangipila ti reklamo kontra iti sianoman a Senador.
Iproseso da daytoy kas maiyannurot iti rules ti Senado. Iti oras a narefer a nasayaat ket maipaay iti publiko iti update ti Ethics Committee Chairman.
Palawag met ni Senator JV Ejercito, chairman ti nasao a komite, maipila pay iti reklamo kadagiti immunan nga ethics complaint no kaspangarigan idatag ni Trillanes iti reklamo gapu ta nakabreak iti senado ken saan pay a nabukel iti komite.
Ti imbinglay a mensahe ni Senador Dela Rosa kagiddan ti maika-64 a panagkasangay na idi Mierkules, kenunana nga agur-uray isuna ti umno a panawen tapno sumango kas maysa a Pilipino no kaspangarigan pudno nga adda ti nakapila a kaso kontra kenkuana.###
