Napaay iti plano a mangiyaw-awan ti 18 a sigud a suldado ti Philippine Marines tapno ilisi iti atention ti publiko manipud iti umadanin a Senate impeachment trial ni Bise Presidente Sara Duterte.
Segun kenni Lanao del Sur Rep. Zia Alonto Adiong, tagapagsarita ti Kamara para iti impeachment trial, nakarkaro laeng a nakapungtot dagiti umili gapu ta kadkadlaw iti panggep ti inaramid a panagdingngeg ti Senate Blue Ribbon Committee idi Huwebes.
Inyarig ni Adiong iti panagdingeg iti maysa a “press conference” nga awanan ti impartiality, nausar laeng iti institusion ti Senado tapno ikkan-legalidad dagiti istorya ti grupo.
Inraman dagiti sigud a suldado ni Adiong ken dagiti dadduma pay a mammanday-linteg iti maipagarup a panangawat ti minilyon a kickback manipud kadagiti peke a flood control project.
Nainget a pinaglibakan ni Adiong iti alegasion ken imbaga a saan na nga am-ammo dagitoy.
Gapu ti daytoy, ikonkonsulta nan iti abogado daytoy tapno mangipila ti katupag a kaso iti korte.
Inpagetget ni Adiong a saan a rumbeng nga awagan a “Marines” iti grupo gapu ta dad-dadaelen da iti reputasion ti prestihiyoso nga institusion, kangrunaan ta inlawlawag ti militar a naikkat dan iti serbisyo sakbay pay a simrek kadagiti ilegal nga aktibidad.###
