LA UNION – Imbinglay ni Manila Rep. Benny Abante, co-chair ti House quad committee, nga ammo dan nu siasino iti police general a timmawag kenni sigud nga Iloilo City Mayor Jed Mabilog tapno ballaagan a posible a patayen da daytoy.
Segun kenni Abante, ni sigud a PNP Chief Camilo Cascolan ti maipagarop a timmawag idi kenni Mabilog.
Immunan nga imbaga ti sigud nga Iloilo mayor a binagaan da daytoy a saan nga agturong idiay Camp Crame gaputa agpeligro ti biag na, malaksid nga adda maipagarop nga ipa-aramid kenkuana dagiti opisyal ti napalabas nga administrasyon.
Kas koma kunana iti panang-pressure da nga ibaga da sigud a Sen. Mar Roxas ken sigud a senate President Franklin Drilon kas drug lords.
Ngem iti nasao a rebelasyon ket saanen a mapasingkedan ni Cascolan, agsipudta pimmyusayen daytoy idi napan a tawen.
