LA UNION – Pormal a naiyuswat iti Executive Motorcycle Riding Course para kadagiti pulis ditoy rehiyon uno.
Daytoy ket babaen iti naisayangkat a seremonya idi kalman, October 19, iti PRO1 Grandstand, Camp BGen Oscar Florendo ditoy syudad ti San Fernando nga indaulwan ni Police Brigadier General Emmanuel Peralta.
Maysa daytoy a training program a mangisuro kadagiti pulis iti comprehensive skills para iti nataltalged a panagmaneho ti motorisklo, maliklikan dagiti traffic hazards iti kalsada, umno a panangusar ti motorsiklo iti kalsada, ken dadduma pay a wagas tapno maliklikan dagiti aberya iti kalsada a gapwanan iti motorsiklo.
