LA UNION – Kumpiyansa iti Department of Justice a maisubli ditoy Pilipinas ni sigud a Negros Oriental 3rd District Rep. Arnolfo Teves Jr. manipud Timor Leste.
Segun kenni DOJ spokesperson Mico Clavano, daytoy ket tapno sangwen ti sigud a mammanday linteg dagiti kaso a naidatag kontra kenkuana nga adda pakainaiganna iti pannakapapatay ni Negros Oriental Governor Roel Degamo.
Imbaga ti opisyal a dagiti kasapolan a requirements tapno ma-secure ti panangabak iti extradition case ket naidatag ti uneg ti 40-day deadline.
Kabayatanna, iti met kampo ni Teves ket adda 30 days a deadline tapno mangidatag ti Motion for Reconsideration iti Extradition Request kontra kenkuana.
Ni Teves iti matudtudo nga utek iti pammapatay kenni Degamo ken siyam pay nga indibidwal idi Marso 2023.
Siniguro ti DOJ a ti political asylum request ni Teves idiay Timor Leste ket saan a maka apekto iti extradition case.
