Impasigurado ti Department of Agriculture (DA) idi Martes a saan a gumatang ti gobierno kadagiti expired vaccines kontra African swine fever (ASF) iti baet ti panagsaknapna idiay Batangas ken dadduma pay a lugar.
Kinuna ni Agriculture Assistant Secretary Arnel de Mesa nga adda dagiti stocks nga addan iti pagilian para iti panangbasa ti gobierno, ngem dimmanon dagitoy iti expiration date-da gapu ta nabayagen a nalpas ti pannakaproseso ken pannakaaprobarda.
Nupay kasapulanen ti bakuna dagiti hog raisers, dagitoy nga expired stocks ket saan a maiwaras.
Inruar ti DA ti statement kalpasan nga inyebkas ti grupo dagiti mannalon a Samahang Industriya ng Agrikultura (Sinag) ti pakaseknanda maipapan iti posible a pannakausar dagiti expired ASF vaccines.
Nakasaganan ti DA nga umuna a gumatang iti agarup 10,000 doses ti bakuna ti ASF babaen ti emergency procurement.
Daytoy a batch ket paset ti 600,000 doses a manamnama a gatangen ti gobierno tapno malapdan ti panagwaras ti ASF.
Kabayatanna, impangato ti gobierno ti indemnification manipud iti dati a P5,000 kada ulo agingga iti P4,000 kada baboy, P8,000 para kadagiti medium sized hogs, ken P12,000 para kadagiti dadakkel.
Idi napan a Hulio, kinuna ni Agriculture Secretary Francisco Tiu Laurel Junior a naikeddeng a rugian ti DA ti trial ti gobierno iti bakuna ti ASF inton maikatlo a kuarter ti 2024, nga addaan iti umuna a 150,000 a vials ti AVAC ASF Live manipud Vietnam.
Immunan nga inaprobaran ti Food and Drug Administration (FDA) ti bakuna.
Ti umuna a pannakairuarna, ramanenna ti makontrol ken nairegulado a pannakausar ti 150,000 doses
Inpakaammo ni Tiu Laurel idi Martes a 10,000 doses ti bakuna ti ASF ti sumangpet ditoy pagilian inton sumaruno a lawas ken libre dagitoy a maiwaras kadagiti hog raisers.
Target ti DA a mabakunaan ti 600,000 a baboy inton ngudo ti tawen.
