Patay ang isang farm caretaker matapos barilin ng hindi pa kilalang suspek sa Barangay Ballogo, bayan ng Bacnotan, La Union.
Nakilala ang biktima na si Cristito Morate, 49, tubo ng Imus, Cavite.
Base sa nakalap na impormasyon ng Bombo Radyo La Union kasalukuyan nasa loob ng kanyang kubo ang biktima ng biglang dumating ang hindi pa kilalang suspek at agad binaril sa ulo ang biktima na agad nitong ikinamatay.
Agad naman tumakas ang suspek na nakasakay sa kulay orange na pick up patungo sa hindi malaman direksyon.
Sa naging panayam kay Pol. Maj. Crisencio Abila, officer in charge ng Bacnotan Police Station, agad silang nagresponde matapos matanggap ang impormasyon kung saan isang empty shell ng M16 riffle ang nakuha nila sa crime.
Ayon pa kay Maj. Abila, pinag-aaralan na rin nila ang kuha ng mga CCTV sa lugar kung saan nakita ang nasabing sasakyan.
Patuloy rin umano nilang inaalam ang pagkatao ng biktima kung may mga record ito sa Cavite kung saan magdadalawang buwan pa lamang ang ito na caretaker sa farm na pag-aari ng isang Dante Almojuela.
Inilarawan din ng mga kapitbahay ang biktima bilang isang mabait at masipag na tao.
