LA UNION – Mismo nga anak ti nangidarom iti bukod na nga ama kalpasan iti napasamak a nabara nga argumento iti baetan dagitoy idiay Barangay Poblacion East, Rosario, La Union.
Nabigbig ti suspek a ni Juanito Quinto, 79, balo, maysa a, Filipino American, kabayatan a ti nangidaron kenkuana ket ti anak na a ni Ronaldo Quinto, 54, addaan asawa, agpada a residente iti nasao a lugar.
Iti nakalap nga impormasyon ti Bombo Radyo manipud iti Rosario Police Station, naaddaan ti nabara nga engkuwentro ti ag-ama.
Maipagarop nga inasot ti suspek ti paltog na a 22 revolver nga addaan ti tallo nga bala ken intutok na iti biktima kagiddan ti panangiputok na ti sumagmamano a daras ngem saan a pumutok.
Kabayatan na, kaso nga attempted parricide ken panaglabsing iti RA 10591 wenno Illegal POssesion of Fire Arms & Ammuniton ti insampa ti biktima iti Provincial Prosecutors Office idiay ili ti Agoo kontra iti suspek.
