Agsapsapul latta ti Estados Unidos kadagiti health workers a mangayat nga agtrabaho iti pagilianda pakairamanan dagiti Filipino nurses.
Iti laksid daytoy a pagkasapulan, dadduma nga aplikante ti madanagan a mangituloy iti aplikasionda gapu naipatungpal nga istrikto nga polisiya ti US Immigration.
Nangipatungpal ti nainget nga allagaden ti US Immigration kalpasan ti panagtugaw ni US President Donald Trump.
Immun-unan nga kinuna ni US ambassador to the Philippines Marykay Carlson a nangato ti panagtalek dagiti Amerikano kadagiti nurses manipud ditoy Pilipinas.
Daytoy ket gapo iti makitkita da a top-level performance ti panagalaga kadagiti pasyente dagiti Filipino nurses aglalo idi panawen ti pandemya.
Bigbigen met ti administrasion ni Trump ti nagaget ken nasayaat a kinatao dagiti Filipino nurses.
Segun iti Philippine Nurses Association of America, ti umad-adu a panagkasapulan ti US kadagiti healthcare workers ket manglukat iti gundaway iti trabaho para kadagiti Pilipino.
