LA UNION – Iti laksid ti epekto ti El Niño phenomenon, nairekord ti Philippine Fisheries Development Authority ti kangatuan a volume iti fish deliveries idi napalabas a bulan ti Mayo ti agdama a tawen.
Maibasar iti report ti ahensia, dimmanon iti 66,587 metric tons ti nairuar nga ikan ken dadduma pay a fishieries products idi Mayo.
Daytoy ket ngimmato iti 10.5% manipud iti napalabas a 60,256 metric tons idi Abril.
Daytoy a panagngato ket iti laksid ti epekto ti El Niño iti sektor ti panagkalapan, ken iti epekto ti panagrugi ti panawen ti matutudo ditoy pagilian.
Ti kadakkelan a porsiento ket naggapu iti General Santos Fish Port Complex a dimmanon iti 34,747 metric tons.
Daytoy ket 23.98% manipud iti napalabas a 28,027.19 metric tons iti napalabas a bulan.
Nailista met ti Navotas Fish Port Complex ti nangited agingga iti 23,312 metric tons bayat a ti Iloilo Fish Port Complex ket nangiyeg iti 3,172 metric tons, a nangatngato iti 23.4% no idilig iti napalabas a 2,570.82 metric tons.
