Impasiguro ti Bureau of Corrections (BuCor) a tumulong da tapno magun-od ti Muntinlupa City ti arapaap da nga agbalin nga maysa kadagiti sports hubs ditoy pagilian.
Segun kenni BuCor Director General Gregorio Catapang Junior, paset daitoy iti panagpakita da iti suporta ti ahensya iti panag-promote kadagiti aktibidad a mangipaay ti oportunidad para iti paagrang-ay ti talent dagiti residente ti ciudad.
Kabayatanna, naisayangkat ti Football Festival Exhibition Game nu sadino ket highlight dagiti players nga persons deprived of liberty manipud New Bilibid Prison Minimum Security Camp.
Naisayangkat ti palaro iti Sunken Garden ti New Bilibid Prison Compound idiay Muntinlupa City.
Kinuna met ni Muntinlupa City Mayor Ruffy Biazon a manamnama pay a manayunan dagiti sports facilities ti ciudad a makatulong ti nasayaat a panagrang-ay dagiti agtutubo.
Segun met kenni Football Club Bilibid manager Rafael Misa, ita ket adu metten dagiti nagbalin nga scholar da manipud nadumaduma nga unibersidad ken kolehiyo; ken adda pay dagiti high school students a mangibagbagi iti napalabas nga Palarong Pambansa.
