BR LA UNION – Inyanunsyo ti Bureau of Corrections (BuCor) nga umabot ti 1,000 a Persons Deprived of Liberty (PDLs) iti nawaya-wayaan manipud Nobyembre agingga ita a bulan ti Disyembre.
Iti listaan ti komisyon, 625 iti nakaturpos ti sentensya, 134 iti na-acquit, 38 ti naipasidong iti probation, bayat a 190 iti nakaawat ti parole, 11 iti nawaya-wayaan babaen ti habeas corpus, ken maysa ti naipaayan ti mosyon tapno mawaya-wayaan.
Dagiti nawaya-wayaan ket naggapo iti naduma-duma a pasilidad wenno pagbaludan, kabilang iti New Bilibid Prison, Correctional Institution for Women, ken dadduma pay a Prison and Penal Farm ditoy pagilian.
Sipud nagtakem ni Justice Secretary Jesus Crispin Remulla, umaboten iti 18,422 ti pakabuklan a bilang dagiti nawaya-wayaan a PDLs.
Kinuna met ni BuCor Director General Gregorio Catapang Jr. nga iti sumaruno a tawen, dagiti PDL a nasentensiyaan ti heinous crimes ket kwalipikado metten para iti Good Conduct Time Allowance (GCTA), kalpasan nga imbaga ti Korte Suprema nga addaan da ti karbengan para iti nasao a linteg.
