Kinontra ni Senadora Risa Hontiveros iti interpretasyon ni Senador Robinhood Padilla para ti “force majeure” wenno dagiti saan a maliklikan a pasamak.
Manipud iti social media post ni Padilla ket dinakamat na a karaman iti “force majeure” iti gyera idiay Middle East a nangigubuay ti krisis ti langis, China-Taiwan conflict a posible a pakairamanan ti Pilipinas, kasta met ti manamnama nga El Niño phenomenon.
Impaganetget ni Hontiveros a saan a maibilang kas force majeure dagiti dinakamat ni Padilla agsipud ta adayo met iti gyera idiay Middle East ken ti epekto na a krisis ti langis ad-adda a rason tapno pisikal da a sumrek ken aramiden ti trabaho da.
Mainaig iti dayta ket innayon na a nabayagen a pangta iti pagilian ti posible a gyera ti nagbaetan ti China ken Taiwan, kasta met iti global warming ken climate change, isu a saan a kasapulan nga aramiden nga online iti trabaho dagiti mamanday-linteg.
