Bimmaban iti pito a milyon nga ektarya ti forest land iti Pilipinas kas maibasar ti kauddian a report ti Department of Environment and Natural Resources (DENR).
Daitoy ket nababbaba pay ngem ti kagudwa a 15 million nga ektarya a forest land ti pagilian.
Adda pakabuklan 30 milyon nga ektarya nga daga ti Pilipinas ken kagudwa ditoy ket siguda a naklasipikar kas forest land.
Segun kenni Environment Secretary Maria Antonia Yulo-Loyzaga, epekto ti climate change, pannakapukaw ti biodiversity, ken polusyon ti lubong ti nangitunda ti pannakadadael ti kabakiran ti Pilipinas.
Malaksid kadagiti kabakiran, apektado pay ti kabaybayan wenno fisheries and aquatic resources ti pagilian.
Gapo iti napalaos a pannakapukaw ti napuskol a forest cover, tarigagay ita ti ahensiya a maipangato manen ti pito a milyon nga ektarya ti forest land agingga madanon pay ti sangapulo nga ektarya.
Inlawlawag ni Loyzaga a kadagitoy napalabas a tawen ket naaramidan ti ahensiya nga i-map out ti 1.2 million ektarya a daga a maluktan para kadagiti nagduduma nga people’s organization a tumulong para ti reforestation project.
Mangnamnama met ti sekretarya a manayunan pay daitoy ti tallo milyon nga ektarya agingga inton 2028.
