Impakdaar ni dati a Presidente Rodrigo Roa Duterte a no saan a malawlawagan ti administrasion ti deliberasion maipapan iti naisingasing a badyet para iti tawen 2025, ballaagan na iti publiko a saanda nga agbayad iti buis.
Segun iti dati a presidente, no saan a makaited iti explanation ket sayang laeng ti ibaybayad ti publiko nangruna ket dida met ammo no sadino ti papanan ti kuartada.
Inbatad na pay a saan nga umno a mabaybay-an a blangko ti sumagmamano a paset ti naisingasing a badyet gapu ta saan a maitunos iti linteg ti pagilian, nangruna no maipapan ti budget nga inaprobaran ti kangatuan nga opisial ti Pilipinas.
Innayon ni Duterte a mabalin met a gapuanan daytoy iti iregularidad no dagiti adda iti puesto ket mabalinda a pilien ti kayatda a kantidad a mabalin nga inayon kas reserba.
Sakbay iti daitoy, kinunana a ti siasinoman nga adda iti likudan dagitoy nga anomalia ket mabalin maipasango iti adu a legal a pagbanagan, maysa kadagitoyen ti mabalin a pannakaibalud.
Kinunana pay a saan a makalisi ti kastoy a tao iti legal a proseso ken hurisdiksion ti korte gapu ta makuna a narikut ti pannakaurnos dagiti papeles iti uneg ti pagilian.
Innayon na pay a saan koma a aramiden daytoy dagiti opisyales nga addaan panggep a mangikabil iti reserba para iti naisingasing a pondo.
