BR LA UNION – Immandar ti International Criminal Court (ICC) ti baro a panangamiris iti salun-at ni sigud a presidente Rodrigo Duterte tapno madetermina nu kabaelanna pay a sumango iti panagusig seknan iti sangsangwenna a kaso a crimes against humanity.
Iti naisayangkat nga umuna nga status conference idi kalman, Miyerkoles, imbaga ni ICC Trial Chamber III Judge Joanna Korner nga amirisen manen dagiti eksperto iti kasasaad ti salun-at ni Duterte kalpasan a mangidatag ti mosyon iti kampo na.
Segun iti depensa, ti immuna a medical assessment ket para laeng iti confirmation of charges proceedings ken saan a para iti panagusig.
Kinuna ni Korner a posible a dagus nga imandar ti pagukuman ti baro a panagamiris tapno maala ti updated report seknan ti salun-at ti sigud a presidente.
Natalantan pay iti status conference ti naduma-duma nga isyu seknan ti kaso kas ti pretrial deadlines, panagsumite ti ebidensya, lengguahe a mausar iti panagusig, ken disclosure obligations ti agsumbangir a benneg.
Segun iti pagukuman, tarigagay ti ICC Prosecution a rugyan ti panagusig inton Nobyembre 30, ngem iti biang ti legal representative dagiti biktima ket kayatda a marugyan inton Setyembre.
Kabayatanna, insingasing ti ICC Registry nga inton Enero 2027 laengen a rugyan iti trial gapu kadagiti isyu nga adda pakainaiganna iti interpretation wenno translation iti lengguahe.
