LA UNION – Mangisaysayangkat iti imbestigasyon ti pulisya maipapan iti napasamak a panagraut dagiti holdaper iti maysa a gas station idiay Barangay Taboc, ili ti San Juan, La Union.
Naammuan ti Bombo Radyo manipud iti San Juan Police Station, maipagarup a rimmaut dagiti saan pay a nabigbig a suspek iti gasolinaan kasaruno ti panangipaturong iti paltog kadagiti empelyado.
Maipagarup nga awan ti naaramidan dagiti biktima isu nga intaray dagiti holdaper ti P20,000 cash a napaglakuan iti petrolyo ken dua a cellphone.
Napartak iti panaglibas dagiti holdaper kalpasan a maalada dagiti nasao nga alikamen.
