LA UNION – Isagsaganan ti pulisya iti kaso kontra ti gasoline boy a maipagarup nga agik-ikot iti droga idiay Barangay Ili Norte, ili ti San Juan, La Union.
Nabigbig ti suspek a ni Jayson Bernoc, 21, residente ti nasao a lugar.
Naaresto ti suspek babaen kadagiti kameng iti San Juan Police Station ken Philippine Drug Enforcement Agency a nangisirbi iti search warrant.
Tallo a sachet a naglaon iti maatap a shabu ti nakompiskar manipud iti suspek.
Kabayatanna, naglibak met ni Bernoc a kukuana dagiti nasao a droga.
