BR LA UNION – Arestado iti maysa a German national kalpasan a nalapdan dagiti otoridad idiay Ninoy Aquino International Airport (NAIA) Terminal 3 gaputi panagikot ti maipagarop nga iligal a droga, a mapatta-patta nga agbalor ti nasurok P60-milyon a pisos.
Maibasar iti report ti Philippine National Police (PNP), na-flag ti bagahe ti gangannaet iti Customs International Arrival Area idi Pebrero 13.
Iti naisayangkat nga inspeksyon, nadiskubre ti nasurok walo kilo ti maatap a shabu a naikabil iti false compartment ti maleta ti suspek.
Dagus a naarestar ti gangannaet ken kinumpiskar iti kontrabando.
Kabayatanna, nakumpiskar par iti Central Mail Exchange Center iti uppat nga inbound parcels a naglaun ti mapatta-patta a 3.8 kilo ti maatap a marijuana a naggapo idiay Thailand ken Canada.
Naiturn-over dagitoy iti Philippine Drug Enforcement Agency (PDEA).
Iti agdama, im-imbestigaran ti pulisya iti posible a koneksyon ti sindikato idiay probinsiya ti Cavite, Kalinga, ken Pampanga.
Pinadayawan ni PNP Chief Police General Jose Melencio Nartatez iti ballaygi nga operasyon dagiti otoridad ken siniguro na iti nair-irut a panagbantay iti borders ti pagilian.
