LA UNION – Adu iti naragsakan iti kaunaan a napasamak a prosesyon ken panagrambak ti pista iti Nangisit a Nazareno idiay syudad ti San Fernando, La Union.
Base iti patta-patta ti San Fernando City Police Office, umabot iti nasurok a 60o a tattao ti nakipaset iti prosesyon ken malaksid pay kadagiti umili a nangpadaan iti kalsada a nagnaan ti Black Nazaren.
Iti nasao a prosesyon ket indaulwan dagiti tauhan ti Police Regional Office-1 ken nangrugi daytoy iti St. William Cathedral agingga idiay chapel ti Camp Brigider General Oscar Florendo.
Indaulwan met ni Father Alex Pardo, Regional Chaplian ti PRO-1, iti misa ti nasao a chapel kalpasan a makagteng sadiay ti imahen ti Itim na Nazareno.
Makunkuna a daytoy iti kaunaan a gundaway iti pakasaritaan ti La Union a nakigiddan iti dakkel a pasamak idiay Manila kada sumangbay ti Enero 9 iti panagrambak ti feast of Black Nazaren.
