Apagapaman a bimaba ti bilang dagiti mabisbisin iti intero a lubong idi 2024 iti mapatta-patta nga 8.2%, ngem agtultuloy daytoy a ngumatngato kadagiti sumagmamano a paset ti Africa ken Laud a paset ti Asya.
Numan pay simmayaat iti South Asia ken Latin America, nasurok 307 million idiay Africa ken 39 million iti West Asia iti makapadpadas pay laeng ti panagbisin.
Iti nangato a food inflation manipud 2020-2023 iti nangpabuntog iti panagbangon ti food security kalpasan ti pandemya.
Iti laksid ti panagngato ti presyo, nakissayan iti bilang dagiti awan ti kabaelan na a gumatang ti nasustansya a taraon iti intero a lubong malaksid kadagiti pagilian a nababa ti mapaspastrekan na.
Nangipakita ti report ti global progress iti nutrisyon dagiti ubbing, kas iti panagbaba ti stunting ken panagngato ti exclusive breastfeeding.
Kabayatanna, nagpanawagan dagiti ahensya ti UN ti nagkaykaysa nga addang, manipud iti panagpuonan iti sektor ti agrikultura agingana iti panangpapigsa kadagiti social safety net, tapno masigurado nga awan ti mabati iti laban kontra bisin.#
