Pagdandanagan ti United Nations (UN) iti plano ti Israel a baliwan iti desision tapno ad-adda a makontrolda ti West Bank.
Segun kenni UN Secretary-General Antonio Guterres, makapadanag daytoy nga addang ti gabinete ti Israel.
Dadaelen ti nasao a desision iti two-state solution.
Impaganetgetna nga amin dagiti settlements ti Israel idiay West Bank karaman ti East Jerusalem, kasta met dagiti rehimen ken imprastraktura ket awanan ti legal validity – a maysa a nalawag a panaglabsing iti international law.
Maipalagip a kayat ti Israel a tagikuaen ti West Bank, banag a konkontraen ti Palestine.###
