Maawaten ti amin a government workers iti year-end bonus ken cash gift da iti bulan ti Nobyembre.
Daitoy ket kalpasan a mangiruar ti Circular ti Department of Budget and Management a mangipalubos iti nasapsapa a panangipaay kadagiti nadakamat a bonuses ken cash gifts kasaruno iti umuna a payroll da inton umay a bulan.
Segun kenni Budget Secretary Amenah Pangandaman, nag-issue isuna iti Budget Circular 2024-3 a mang-amyendar iti sigud a pagalagadan iti panangited kadagiti year-end bonus ken cash gift kadagiti amin nga empleyado iti gobyerno.
Ti year-end bonus ket pakaibatugan ti maysa a bulan nga basic salary iti maysa nga empleyado bayat nga iti cash gift ket aggatad met iti P5-K.
Impasiguro ni Secretary Pangandaman a maawat a nasapsapa ti amin nga empleyado dagitoy tapno agbalin a naragsak iti umay a Paskua da.
