LA UNION – Nangisayangkat iti tignay-protesta dagiti residente ti Barangay Bimmotobot ken Mamat-ing tapno lapdan iti panangaramid iti mini-ydroelectric power plant ken dam idiay Barangay Mamat-ing Sur, ili ti Naguilian, La Union itattay bigat.
Iti pannakiuman ti Bombo Radyo kadagiti residente a nag-rally, kinunada a saanda a nangited iti pammalubos tapno agipatakder ti planta ken dam uray no adda ti napasamak a panagtaripnong.
Sigun kadagiti agindeg sadiay, ada iti madadael a sakikua iti lugarda kas kadagiti daga a taltalunen no matuloy ti nasao a proyekto, ken laloda nga agrigat no adda ti sumangbay a kalamidad.
Magsitugot met iti karatula dagiti residente a kaaddua ket mannalon tapno ipeksa iti panangkontrada ti planta ken sabaten dagiti mangimatmaton iti proyekto ken ti sumagmamano a lokal nga opisyal.
Ngem saan met laeng a natuloy ti ground breaking ceremony ken nagpapanaw dagiti pulis a mangipapaay ti seguridad iti lugar.
Iti agdama, al-alaem pay laeng ti Bombo Radyo news team iti benneg ti Mini-Hydro electric Coorporation ken ti Naguilian Municipal Government maipapan ti nasao nga isyu.
Naammuan nga umabot iti P1,506,577,675.00 ti pondo a nakalatang ti nasao a proyekto.
