BR LA UNION – Pinalawa ti Department of Social Welfare and Development (DSWD) iti programa da a tumultulong kadagiti indigent patients tapno mabayadan ti obligasyon da iti ospital.
Ti nasao a serbisyo ket adda iti sidong ti Assistance to Individuals in Crisis Situations (AICS) a nairanta para kadagiti makapas-pasar ti medical crises babaen ti tulong dagiti partner-institutions.
Daytoy ket kalpasan a nanayunan pay ti 22 nga ospital, botika, ken med suppliers iti nakasagana nga umawat ti ‘guarantee letter’ nga aggapo iti ahensiya.
Inlawlawag ni DSWD Assistant Secretary Irene Dumlao a babaen ti nasao a guarantee letter ket ipasigurado na iti service provider, kas koma nu ospital, nga i-settle na iti pakabuklan wenno partial a bayadan a kantidad ti maysa a benipisyaryo.
Iti agdama, umaboten ti nasurok a 255 nga ospital, botika, ken med suppliers ti tumultulong para iti nasao a serbisyo ti ahensiya iti intero a pagilian.
Mabalin pay nga usaren dagiti benipiyaryo ti Assistance to Individuals in Crisis Situation (AICS) iti Guarantee Letter (GL) manipud DSWD tapno makagatang ti agas iti napili a botika ditoy pagilian.
Biroken laeng ti signage a “DSWD Guarantee Letter is accepted here” iti counter dagiti napili a drug stores.
Iti Guarantee Letter ket maysa nga opisyal a dokumento nga ipapaay ti DSWD kas garantiya iti panagbayad kadagiti partner service providers para kadagiti produkto wenno serbisyo a kasapolan ti kliyente, kabilang dagiti agas.
Agturong iti DSWD Field Office wenno Social Welfare and Development Office (SWDO) kadagiti masakopan a lugar tapno mangala ti GL tugot iti kumpleto ti dokumento.
