Inruaren ti Hamas dagiti nagan dagiti sumaruno nga kautibo a wayawayaan da.
Dagiti lalaki a sibilyan ket nabigbig nga isuda Eli Sharabi, 52-anyos; Ohad Ben Ami, 56-anyos ken Or Levy, 34-anyos.
Kasukat dagiti nasao nga kautibo dagiti 183 Palestinian prisoners nga iggem ti Israel.
Manipud idi naipatungpal ti ceasefire idi Enero 19 ket addaanen dagiti 18 a kautibo a winayawayaan ti Hamas bayat nga ti Israel met ket dumanonen ti 383 Palestinian prisoners ti pinalubosan da.
Iti las-ud ti tallo a lawas sakbay a malpas ti umuna a paset ti ceasefire ket nagwayawaya ti Hamas kadagiti 33 a kautibo ken 1,900 a balud.
Kinuna met ti Israel a walo manipud kadagiti 33 a kautibo iti natnatayen.
Manipud idi nangrugi a rinaut ti Hamas ti Israel idi Oktubre 7, 2023 ket dumanonen ti 251 a kautibo ti iggemd a kasta met a 1,200 a sabali pay dagiti pimmuspusayen.
Dumanon ti agingga 47,500 kadagiti Palestino ti napapatay ti Israel iti inaramid da nga opensiba idiay Gaza.
Immunan a kinuna ti opisina ni Israeli Prime Minister Benjamin Netanyahu a naawat dan ti listaan dagiti kautibo a mawayawayaan kasta met a nabagaan metten dagiti pamilya dagitoy.
