Inruaren ti Hamas ti listaan dagiti kautibo nga wayawayaan da.
Sigun iti Israeli Prime Ministers’ Office, naawatdan ti nagan dagiti uppat nga babai nga hostages a wayawayaan ti Hamas inton Dominggo.
Ti kasta nga addang ket paset ti maikadua a round ti releasing of hostages iti sidong ti ceasefire deal a napagnunumuan kadagiti nabiit pay a lawas.
Dagiti immuna a tallo a hostages ket isuda Emily Damari, 28-anyos, Romi Gone, 24-anyos, Doron Steinbrecher, 31-anyos, ken kasukat da dagiti 90 a Palestinian prisoners nga winayawayaan met ti Israel.
Nakalanad pay iti katulagan ti naan-anay a panagpanaw dagiti soldado ti Israel kadagiti sumagmamano a paset ti Gaza.
Kabayatanna, adda pay ti iggem ti Hamas a 91 a hostages manipud iti panagraut da idiay Israel idi Oktubre 7, 2023.
